स्वारेजले भने ‘रोनाल्डोले च्याम्पियन्स लिग र युरोकप २०१६ को उपाधि जिते, तर मेरो विचारमा मेस्सी विश्वका उत्कृष्ट फुटबलर हुन् भन्नेमा कुनै विवादनै छैन ।’ यसपटक पनि फिफा बालोन डी’ओर मेस्सीले नै जित्ने स्वारेजको भनाई छ ।

मेस्सीले गएको सिजन बार्सिलोनलाई ला लिगाको उपाधि दिलाउने क्रममा २६ गोल गरेका थिए । यस्तै ला लिगामा दोस्रो भएको रियल मड्रिडका लागि रोनाल्डोले ३५ गोल गरेका थिए ।

मेस्सीले कोपा अमेरिकामा अर्जेन्टिना चिलीसँग पराजित भएपछि अन्तर्राष्ट्रिय फुटबलबाट सन्यासको घोषणा गरेका छन् ।

रोनाल्डोले आफ्नो कप्तानीमा पोर्चुगललाई इतिहासमै पहिलो पटक युरोकपको उपाधि दिलाए । उपाधि भन्दा पनि मेस्सीको अविश्वसनीय खेल क्षमताका कारण रोनाल्डो भन्दा अघि रहेको स्वारेजले दाबी गरे । 

Ujyaalo 90 network