काठमाडौंः नेकपा एमालेले आफू नेतृत्वको सरकारबाट बाहिरिने नेकपा माओवादी केन्द्रको निर्णयलाई देश र संविधानका लागि दुभाग्र्यपूर्ण भनेको छ । 

‘प्रधानमन्त्री केपी शर्मा ओलीको नेतृत्वमा गठित वर्तमान सरकारलाई दिएको समर्थन फिर्ता लिई आफ्नो पार्टीका मन्त्रीहरुलाई फिर्ता बोलाउने नेकपा (माओवादी–केन्द्र) को निर्णय देशका लागि दुर्भाग्यपूर्ण छ’, बैठकपछि एमाले महासविच ईश्वर पोखरेलले निकालेको विज्ञप्तीमा भनिएको छ ।

एमालेले माओवादीको बहिर्गमनबाट देशमा शुरु भएको आर्थिक समृद्धि र भूकम्पपछिको पुनर्निर्माणको बाटोमा पनि धक्का पुगेको जनाएको छ ।

माओवादी केन्द्रको यो निर्णयपछि पनि एमालेले जस्तोसुकै प्रतिकूल परिस्थितिमा पनि संविधानको रक्षा र कार्यान्वयन, राष्ट्रिय हितको संरक्षण र सरकारबाट अगाडि बढाइएका अग्रगामी र जनपक्षीय सामाजिक आर्थिक कार्यक्रमहरुको पक्षमा दृढतापूर्वक उभिने जनाएको छ ।

‘राजनीतिक अस्थिरताको घडीमा राजनीतिक विकृतिले प्रश्रय नपाउन् र आधारभूत राष्ट्रिय हितमा आँच पुर्याउने कुनै पनि काम कार्बाही हुन नपाउन् भन्ने कुरामा सजग रहन र संविधान, राष्ट्रिय हित र एकताको पक्षमा एकतावद्ध भएर अगाडि बढ्न सबै प्रगतिशील र देशभक्त शक्तिहरुलाई एमाले आह्वान गर्दछ ’, विज्ञप्तीमा भनिएको छ ।Annapurna post