अर्थ मन्त्रालयलाई समेत सहमत गराई मन्त्रिपरिषदबाट पारित गर्ने गरी सीजीजीसीले हालेको प्रस्तावउपर प्रधानमन्त्रीको निर्देशनमा ऊर्जा मन्त्रालयले कारबाही सुरु गरेको छ ।

सत्ताको प्रमुख साझेदार माओवादी केन्द्रले सरकारबाट बाहिरिने निर्णय गरेकै दिन गत असार २८ गते सीजीजीसीले ऊर्जा मन्त्रालयमा प्रस्ताव हालेको थियो ।

सीजीजीसीले उसको एजेन्टमार्फत प्रधानमन्त्रीलाई विश्वस्त पारेपछि प्रक्रिया सुरु गरिएको ऊर्जा स्रोतले बतायो । निमित्त ऊर्जा सचिव दिनेशकुमार घिमिरेले सीजीजीसीले बुढीगण्डकी जलविद्युत आयोजनाका लागि इपीसी एफ मोडलको प्रस्ताव गरेको पुष्टि गरे ।

उनले उक्त कम्पनीको प्राविधिक र वित्तीक्ष्य अवस्थालगायत सबै जानकारी उपलब्ध गराउन अर्थ मन्त्रालयमार्फत चिनियाँ दूतावासमा ऊर्जाले पत्राचार गरेको बताए । आजको अन्नपूर्ण पोष्ट दैनिकमा खबर छ ।