काश्मिर तनाव : झडपमा मृत्यु हुनेको संख्या ३० पुग्यो
असार २८ – भारत प्रशासित जम्मु काश्मिरमा प्रहरी र प्रदर्शनकारीबिच झडप हुँदा अहिलेसम्म ३० जनाको ज्यान गएको छ ।
गएको शुक्रबार प्रहरीको कारबाहीको क्रममा बिद्रोही संगठन हिज्बुल मुजाहिदीनका कमाण्ड बुरहान वानीको ज्यान गएपछि त्यसको विरोधमा भएको
प्रदर्शनको क्रममा काश्मिरमा प्रहरी र प्रदर्शनकारीबिच झडप हुँदै आएको छ । शनिबार र आइतबार भएको झडपको क्रममा प्रहरीसहित २३ जनाको ज्यान गएकोमा सोमबार भएको झडपमा तथ मानिसको ज्यान गएको स्थानीय प्रहरीले जनाएको छ ।
२२ वर्षका वानी श्रीनगरबाट ४५ माइल पर अनन्तनागमा मारिएका थिए । वानी मारिएपछि काश्मिरको अवस्था तनावग्रस्त भएको छ । भारत सरकारले झण्डै ८ सय थप सेना काश्मिर पठाएको छ । झडपको क्रममा दुई सय भन्दा धेरै मानिस घाइते भएका छन् ।
0 comments
प्रतिक्रिया दिनुहोस्...