बेलायतको लर्ड्स मैदानमा हुने खेल नेपाली सयम अनुसार दिउँसो सवा तीन बजेपछि सुरु हुनेछ । नेपाली टोलीले क्रिकेटको मक्का मानिने लर्ड्स मैदानमा पहिलो पटक खेल्न लागेको हो । लर्ड्समा खेल्न पाउनु आफूहरुका लागि खेल जीवनकै सबै भन्दा ठूलो उपलब्धी मध्ये एक रहेको नेपाली क्रिकेट टोलीका सदस्यले बताएका छन् । 

नेपाली टोलीले बेलायत भ्रमणको क्रममा अहिलेसम्म स्थानीय चार क्लबसँग भएका खेलमा जित हात पारेको छ । लर्ड्स मैदानमा हुने खेलमा नेपाली टोली उच्च मनोबलका साथ उत्रनेछ । नेपाली टोलीले आइतबार राति भएको एक दिवसीय खेलमा इस्टबर्नलाई एक सय ८१ रन तथा शनिबार राति भएको खेलमा कन्फ्रेन्स क्रिकेट क्लबलाई चार विकेटले हराएको थियो ।