आफू ८ वर्षको हुँदा कुरान पढ्न सुरु गरेका अख्तरले  दुई वर्षमा पुरै ग्रन्थ नै कण्ठस्थ गर्न सकेका हुन् । आफू कुरान पढ्नका लागि अब्न उल ईस्लाम कुरान केन्द्रमा जाने गरेको र आफ्ना बुवा र काकाले समेत आफूलाई कुरान पढ्न बिशेष सहयोग गरेको उनले बताए । 

मुस्लिम धर्मावलम्बीको मुख्य धार्मिक ग्रन्थ पूर्ण सिद्ध मन्त्रोच्चारण गर्नु सामान्य कुरा होइन, तर १० वर्षे बालकले आफ्नो अभूतपूर्व क्षमता देखाएको नेपलीज मुस्लिम सोसाइटी युएईका प्रवक्ता मोहम्मद नोमन सीद्दिक्कीले बताउनु भयो ।

मुस्लिम समुदायको पवित्र पर्व रमादानको अवसरमा प्रत्येक वर्ष आयोजना हुने प्रतियोगिताको २० औँ सस्करणमा अख्तर छनौट भएका हुन् । उनी कुरान अध्ययन केन्द्रमा अध्ययनका लागि समेत छनौट भएका छन् । सहभागी मध्ये अख्तर सबैभन्दा कान्छा प्रतियोगी हुन् । मुस्लिम समुदायमा कुरान कण्ठस्थ गर्ने ब्यक्तिलाई हाफिज भन्ने गरिन्छ ।