जुम्ला, असार ३१ – कर्णालीको सहायक नदी तिलामा निर्वाचन क्षेत्र पूर्वाधार विकास कार्यक्रमको ३० लाख रुपैयाँ चुर्लुम्म डुब्ने भएको छ । 

पुल भासिनु एकसाता अघि जुम्लाका सांसदले अनुगमन पनि गर्नु भएको थियो । अनुगमन पश्चात सांसदहरुले भुक्तानीका लागि सिफारिस गरेपछि उपभोक्ताको ११ लाख रुपैयाँ समितिको खातामा पठाइएको निमित्त स्थानीय विकास अधिकारी हिक्मतबहादुर महतले जानकारी दिनुभयो ।

पछि प्रमुख जिल्ला इञ्जिनियर हरिप्रसाद शर्माको पालामा दलगत रुपमा कुडारीमा काठेपुल निर्माण गर्ने निर्णय भई सम्झौता भइसकेको उहाँको भनाई थियो । उहाँले आफू गएको चैत्र १७ गते जुम्लामा हाजिर भएको र फागुनमा योजना सम्झौता भई उपभोक्ताले काम गरेको साथै सांसदसहित सबैले अनुगमन गरी भुक्तानी दिने सिफारिस गरेकाले आफूले भुक्तानी दिएको बताउनुभयो । 

तथापि समितिको खाता रोक्का गरिएको र त्यसको फुक्का गर्न प्रमुख जिल्ला अधिकारी रुद्रप्रसाद पण्डित, जिविस, राजनीतिक दल, उपभोक्ता समिति बसेर निर्णय निकाल्ने जिविस जुम्लाले जनाएको छ । 

काम सम्पन्न नहुँदै पुल बगेपछि जनताको रकम खोलामै समाप्त भएको स्थानीय बासिन्दाले दुःखेसो पोखेका छन् । ujyaalo 90 network