काठमाडौं, साउन २ – प्रधानमन्त्री केपी शर्मा ओलीले आदित्य दाहाल ‘गुगल ब्वाई’ लाई कांग्रेस र माओवादीकै आग्रहमा एक करोड दिने निर्णय भएको बताउनुभएको छ ।

नेपाल टेलिभिजनबाट प्रसारण हुने ‘सिधा कुरा प्रधानमन्त्रीसँग’ कार्यक्रममा उहाँले शेरबहादुर देउवा र पुष्पकमल दाहाल प्रचण्डको आग्रहमा मन्त्रिपरिषदले एक करोड रुपैयाँ दिने निर्णय गरेको दाबी गर्नुभएको हो ।

यसलाई पुष्टी गर्दै प्रधानमन्त्रीले भन्नुभयो, ‘नेपाली जनताका अगाडि हामी सबै भएर गुगल ब्वाइलाई पालैपालो हामीले काखमा लिएर फोटो खिच्दै, अथवा एकजनाले लिएका ठाउँमा खिचेको फोटोहरुदेखि लिएर ‘यो सम्मान होइन भनेर नबिर्सिनुहोला । यो एउटा औचित्यपूर्ण कुरा हो ।’

गएको शुक्रबार मन्त्रिपरिषद बैठकले आदित्य दाहालको संरक्षणमा खुलेको प्रतिष्ठानलाई एक करोड रुपैयाँ सहयोग गर्ने निर्णय गरेको छ । शुक्रबार प्रतिष्ठानको सवारी साधन, आवास निर्माण र साधनाका लागि भौतिक पूर्वाधार तयार गर्न उक्त रकम दिने निर्णय गरेको सञ्चारमन्त्री शेरधन राईले जानकारी दिनुभएको थियो ।  

सरकारको यो निर्णयको चौतर्फी बिरोध भएको छ । तर कांग्रेस र माओवादीका शीर्ष नेताहरुकै सल्लाहमा सरकारले यो निर्णय गरेको प्रधानमन्त्रीले बताउनुभएको छ ।ujyalo 90network