जाजरकोट गर्खाकोट–६ का राम बहादुर तिरुवा २०७१ माघमा वैदेशिक रोजगारीको लागी लक्की ओभरसिज काठमाडौं म्यानपावर कम्पनीले मलेसियाको पिजी क्लीनिङ सर्भिस कम्पनीमा पठाएको थियो । 

कम्पनीमा म्यानपावर कम्पनीले भनेजस्तो काम र तलब नपाएपछि त्यहाँबाट भागेर उनी अर्को कम्पनी असरस सेक्युरिटी सर्भिसमा गैरकानुनी हिसाबले काम गर्न थाले । घर खर्च चलाउनलाई श्रीमतीको नाममा पैसा पठाएर गएर फर्किँदा मोटरसाइकल दुर्घटना परि घाइते भएका रामबहादुरको अस्पतालमा उपचार हुँदै गर्दा असार ११ गते ज्यान गएको हो ।

कम्पनीबाट भागेर काम गरेको र जवाफदेहिता कम्पनीको निश्चित नभएकोले लास नेपाल ल्याउन समस्या भएको छ । रामबहादुरको उपचार गर्ने क्रममा अस्पतालमा खर्च भएको नेपाली पचास हजार रुपैयाँ पनि कम्पनीले नतिरिदिएपछि अस्पतालले लास र पोष्टमार्टमको रिपोटसम्म नदिएको बाबु कले तिरुवाले बताउनु भयो । source : ujyaalo 90 network